材料：
節瓜 - 1條 ($7)
玉子豆腐 - 1條 ($1.5)
蔥粒 - 少許
做法：
將節瓜洗淨，用小刀刮乾淨表面 (以前我試煮一個豬肉節瓜甫，因為第一次煮，我唔識，用刀去刨皮，最後當然超樣衰，好似d螺絲絲母一樣，哈哈，最後經愛力神巫婆教導，最後先識用小刀刮皮 
)
然後將節瓜切件，每件大約3cm厚
將玉子豆腐切開，然後將玉子豆腐放上節瓜個芯度位，然後用小刀切走中間嘅芯，呢個步驟都幾辛苦
將少少粟粉搽喺個節瓜中間個圈，然後切玉子豆腐適當高度，然後放入節瓜圈入面後煲一滾水，隔水蒸大約10分鐘
蒸熟後，將d節瓜水倒出，然後倒入鑊，用中火去煮，加入半茶匙雞粉及少許鹽，煮溶後加入生粉水做個獻汁，最後淋上節瓜甫上面，灑少少蔥粒，完成
後記：
呢味餸完全係靠個獻汁先有味道，節瓜蒸熟後完全冇味，玉子豆腐都有少少蛋味，所以煮個獻汁好重要，煮好後要試試個獻汁會唔會太咸或者太淡。
同
埋最麻煩都係切走個節瓜芯呢個步驟，但試過兩次，一定可以掌握得好好。因為今次呢樣餸係好清淡，唔一定啱其他人鐘意食，大家可以買d豬肉、鯪魚肉、瑤柱
(當然瑤柱要先浸軟)或者打d蝦膠釀入去，做法都係差唔多，最重要就係喺個節瓜甫入面，搽d生粉，咁就會同d肉黏住，唔會咁容易散開。
請先 登入 以發表留言。